REGİONLAR


Azərbaycan şərabları beynəlxalq müsabiqədə gümüş və bürünc medallara layiq görülüb

Bakı, 8 iyun, AZƏRTAC

İtaliyada keçirilən “Concours Mondial de Bruxelles” 24-cü Beynəlxalq şərab və spirtli içkilər müsabiqəsində Azərbaycanın “Şahnaz” şərabı gümüş, “Mədrəsə” isə bürünc medallara layiq görülüb.

Kənd Təsərrüfatı Nazirliyindən AZƏRTAC-a bildiriblər ki, Beynəlxalq Üzüm və Şərab təşkilatı (OIV) tərəfindən İspaniyanın Kastiliya vilayətinin Valladolid şəhərində təşkil edilən “Concours Mondial de Bruxelles” 24-cü Beynəlxalq şərab və spirtli içkilər müsabiqəsində Avropa istehsalı olan 1200 şərab içərisində Azərbaycan Kənd Təsərrüfatı Nazirliyinin mütəxəssisləri tərəfindən seçilib göndərilən iki şərabdan “Şahnaz” gümüş, “Mədrəsə” isə bürünc medala layiq görülüb.

Həmçinin sevindirici haldır ki, Üzümçülük və Şərabçılıq Elmi-Tədqiqat İnstitutunun alimləri yüksəkixtisaslı dequstator kimi müntəzəm olaraq beynəlxalq dequstasiyalara hakim-dequstator qismində cəlb olunurlar. Belə ki, Üzümçülük və Şərabçılıq Elmi-Tədqiqat İnstitutunun direktoru, Beynəlxalq Üzümçülük və Şərabçılıq Akademiyasının və Avropa Təbiət Elmləri Akademiyasının həqiqi üzvü Tariyel Pənahov bu günlərdə OIV-in elmi dəstəyi ilə İtaliyanın “Citta del Vino” Milli Assosiasiyası və RECEVIN təşkilatı tərəfindən təşkil olunan “La Selezione Del Sindaco 2017” XVI Beynəlxalq Şərab Müsabiqəsində iştirak etmək üçün İtaliyanın Tramonti şəhərində səfərdə olub. Tariyel Pənahov beynəlxalq şərab müsabiqəsinin dequstasiya komissiyasının işində hakim-dequstator qismində iştirak edib.

Azərbaycanlı mütəxəssis, həmçinin Bolqarıstanın Sofiya şəhərində keçirilən OIV-in 40-cı Ümumdünya Konqresinə və həmin təşkilatın 15-ci Baş Assambleyasına da qatılıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.