İQTİSADİYYAT


Azərbaycan və Gürcüstan dəmiryolçuları Bakı-Tbilisi-Qars xəttinin hazırlığını yoxlamaq məqsədilə yola baxış keçirəcəklər

Tbilisi, 29 iyun, AZƏRTAC

İyunun 29-da Tbilisidə Bakı-Tbilisi-Qars dəmir yolu layihəsi ilə əlaqədar növbəti görüş keçirilib.

Tədbirdə “Azərbaycan Dəmir Yolları” QSC sədrinin birinci müavini Əlirza Süleymanov, sədr müavini Zaman Novruzov, Azərbaycan dəmir yollarının aidiyyəti qurumlarının mütəxəssisləri, eləcə də “Gürcüstan Dəmir Yolları” ASC-nin rəhbər şəxsləri iştirak ediblər.

Görüşdə əsasən Bakı-Tbilisi-Qars dəmir yolunun Azərbaycan və Gürcüstan hissəsində görülən işlər, əldə olunmuş nəticələr, eləcə də digər texniki məsələlər müzakirə olunub. Layihə ilə bağlı bir sıra detallar da diqqət mərkəzində olub.

Görüş iştirakçıları Bakı-Tbilisi-Qars dəmir yolunda yeni yaradılmış infrastruktur obyektlərində olacaq, xəttin istismara tam hazırlığını yoxlamaq məqsədilə yola baxış keçirəcəklər.

Xətayi Əzizov

AZƏRTAC-ın xüsusi müxbiri

Tbilisi

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.