İQTİSADİYYAT
Azərbaycan və Türkiyə üçüncü ölkələrin bazarına birgə çıxacaq
Bakı, 22 fevral, AZƏRTAC
Azərbaycan və Türkiyə üçüncü ölkələrin bazarına birgə çıxmaq niyyətindədir.
AZƏRTAC xəbər verir ki, bu barədə kənd təsərrüfatı nazirinin müavini İlham Quliyev fevralın 22-də Azərbaycan-Türkiyə Kənd Təsərrüfatı İcra Komitəsinin 8-ci iclasında məlumat verib.
Onun sözlərinə görə, Azərbaycanın Rusiya və Mərkəzi Asiya bazarlarına, Türkiyənin isə Avropa və Balkan yarımadası ölkələrinə çıxışı var. Bu məsələ də sözügedən iclasda müzakirə obyektinə çevriləcək.
Nazir müavini qeyd edib ki, ölkələrimiz kənd təsərrüfatı sahəsində bu istiqamətdə ciddi tədbirlər həyata keçirməlidir.