CƏMİYYƏT


Azərbaycanda 2017-ci ildə sosial sahəyə ayrılan vəsait artırılacaq

A+ A

Bakı, 23 sentyabr, AZƏRTAC

Azərbaycanda 2017-ci ildə sosial sahəyə ayrılan vəsait artırılacaq.

AZƏRTAC xəbər verir ki, bunu əmək və əhalinin sosial müdafiəsi naziri Səlim Müslümov Tərtər rayonunda jurnalistlərə açıqlamasında deyib.

O bildirib ki, Nazirlər Kabinetinin sentyabrın 22-də keçirilən iclasında gələn ilin dövlət və icmal büdcəsi müzakirə olunub.

S.Müslümov dedi: “Toplantıda Prezident İlham Əliyevin tapşırıqları səsləndirilib. Prezidentin tapşırığı ondan ibarətdir ki, sosial proqramlarda hər hansı bir kəsr və bu sahəyə ayrılan vəsaitdə azalma ola bilməz. Gələn ilin büdcəsinin layihəsi çap olunacaq və görəcəksiniz ki, Dövlət Sosial Müdafiə Fondunun büdcəsində, 2017-ci ilin dövlət büdcəsində sosial təminat, sosial müdafiə xərclərində də artım var. Bu bir daha təsdiq edir ki, ölkədə aparılan bütün işlər, aparılan islahatlar hamısı bir məsələyə - Azərbaycan vətəndaşının yaşayış səviyyəsinin, onun rifahının yüksəldilməsinə xidmət edir”.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.