CƏMİYYƏT


Azərbaycanda kənd təsərrüfatı üzrə kadrlar hazırlayan peşə məktəbi açılacaq

A+ A

Bakı, 22 sentyabr, AZƏRTAC

Azərbaycanda kənd təsərrüfatı üzrə kadrlar hazırlayan peşə məktəbi açılacaq.

AZƏRTAC xəbər verir ki, bunu jurnalistlərə müsahibəsində təhsil naziri Mikayıl Cabbarov deyib. Nazir bildirib ki, yeni peşə məktəbi 2017-ci ilin birinci rübündə Qəbələdə fəaliyyətə başlayacaq. Bu məktəbdə bağçılıq, bitkiçilik, kənd təsərrüfatı texnikası-aqroxidmətlər və digər ixtisaslar öyrədiləcək.

M.Cabbarov qeyd edib ki, BP ilə birgə ölkəmizdə kənd təsərrüfatı üzrə peşə təhsilində yeni ixtisasların yaradılması ilə bağlı həyata keçirilən layihə çərçivəsində ilk pilot rayon kimi Qəbələ seçilib. O deyib: “Layihə uğurlu alınarsa, sonradan bütün ölkə üzrə kənd təsərrüfatı mütəxəssislərinin hazırlanacağı yeni peşə məktəblərinin yaradılması planlaşdırılır”.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.