İQTİSADİYYAT


Azərbaycanda təbii qazla təmin olunan abonentlərin sayı 1 milyon 967 min 128-ə çatıb

A+ A

Bakı, 14 noyabr, AZƏRTAC

Azərbaycanda təbii qazla təmin edilən abonentlərin sayı 1 milyon 967 min 128-ə çatıb.

SOCAR-ın mətbuat xidmətindən AZƏRTAC-a bildirilib ki, bu ilin oktyabr ayı ərzində “Azəriqaz” İstehsalat Birliyində əhali sektoru üzrə 11 min 806 yeni abonent qeydiyyata alınıb. Bunun da 3 min 447-si Bakı və Sumqayıt şəhərlərinin, eləcə də Abşeron rayonunun, 8 min 359-u isə regionların payına düşüb. Bununla da ölkə üzrə təbii qazla təmin olunan abonentlərin sayı 1 milyon 967 min 128-ə çatıb.

Oktyabrda əhali sektoru üzrə 199 milyon 922 min 765 kubmetr həcmində təbii qaz satılıb, ödəniş səviyyəsi 107,83 faiz olub.

Noyabrın 1-nə olan məlumata görə, əhali sektoru üzrə 132 min 877 məcburi köçkün ailəsi dövlət tərəfindən ayrılmış limitə uyğun olaraq təbii qazla təmin edilib. Bundan əlavə, qeyri-əhali sektoru üzrə 382 məscid və dini məbədə təbii qazdan əvəzsiz istifadəsi üçün limit ayrılıb.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.