İQTİSADİYYAT


Azərbaycanda ümumi daxili məhsul istehsalı 15229,7 milyon manat olub

Bakı, 19 aprel, AZƏRTAC

Yanvar-mart aylarında Azərbaycanda ümumi daxili məhsul istehsalı 15229,7 milyon manat təşkil edib, əhalinin hər nəfərinə düşən ÜDM 1570,0 manata bərabər olub.

Dövlət Statistika Komitəsindən AZƏRTAC-a bildiriblər ki, qeyri-neft bölməsində istehsal olunmuş əlavə dəyər əvvəlki ilin müvafiq dövrünə nisbətən 2,4 faiz artıb, neft-qaz bölməsində isə 6,8 faiz azalıb. Bu dövrdə ümumi daxili məhsulun 7094,3 milyon manatı sənayedə, 1823,1 milyon manatı ticarət; nəqliyyat vasitələrinin təmiri sahələrində, 1187,8 milyon manatı tikintidə, 1006,9 milyon manatı nəqliyyat və anbar təsərrüfatı, 442,1 milyon manatı turistlərin yerləşdirilməsi və ictimai iaşə, 412,3 milyon manatı kənd təsərrüfatı, meşə təsərrüfatı və balıqçılıq, 259,3 milyon manatı informasiya və rabitə sahələrində, 1931,3 milyon manatı digər sahələrdə istehsal edilib, məhsula və idxala xalis vergilər isə 1072,6 milyon manat olub.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.