MƏDƏNİYYƏT


Azərbaycanın Əməkdar Artisti Hamburq Dövlət Opera Teatrının səhnəsində çıxış edəcək

A+ A

Bakı, 4 avqust, AZƏRTAC

Gələn ilin yanvar və fevral aylarında Almaniyada Hamburq Dövlət Opera Teatrının səhnəsində Cüzeppe Verdinin “Otello” operası oynanılacaq. Səhnə əsərində Dezdemona obrazını Azərbaycanın Əməkdar Artisti Dinara Əliyeva canlandıracaq.

AZƏRTAC xəbər verir ki, bu barədə məlumat Dinara Əliyevanın, həm də Hamburq Dövlət Opera Teatrının saytında yer alıb.

Dinara Əliyeva 2009-cu ildən Rusiyada Böyük Teatrın solistidir. O, Rusiya, İtaliya, Fransa, Yunanıstan, Çexiya, Monte-Karlo, ABŞ və Yaponiyanın opera teatrı səhnələrində və konsert zallarında çıxış edib. İfaçının 2010-cu ildə Bakıda məşhur tenor Plasido Dominqo ilə birgə konserti olub. Onun C.Verdinin anadan olmasının 200 illiyi münasibətilə Fransanın Kolmar və Çexiyanın Praqa şəhərlərində “GalaVerdi” adlı solo konsertləri böyük uğurla keçib. 2015-ci ildə Moskvada Dinara Əliyevanın “Opera Art” Birinci Beynəlxalq Musiqi Festivalı keçirilib.

Dinara Əliyeva konsertlərdə müxtəlif janrlarda, rus və Azərbaycan xalq mahnılarından, opera və operettalardakı ariyalardan tutmuş romans və cazadək müxtəlif əsərləri ifa edir.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.