İDMAN


Azərbaycanın Batumidəki baş konsulluğunda 12 yaşlı şahmatçılarımızla görüş keçirilib

A+ A

Tbilisi, 25 oktyabr, AZƏRTAC

Azərbaycan Respublikasının Batumi şəhərindəki baş konsulluğunda bu şəhərdə keçirilən şahmat üzrə beynəlxalq turnirin azərbaycanlı iştirakçıları ilə görüş keçirilib.

Baş konsul Rəşad İsmayılov ölkəmizdə idmanın bütün növlərinin, eləcə də şahmatın uğurla inkişaf etdiyini deyib. O, 2009-cu ildə Azərbaycan Prezidenti İlham Əliyevin Fərmanı ilə təsdiq olunmuş şahmatın inkişafı ilə bağlı Dövlət Proqramının əhəmiyyətini xüsusi qeyd edib.

Baş konsul 12 yaşlı yeniyetmə şahmatçılarımızın bu çempionatda iştirakını Azərbaycan idmanının inkişafının bariz nümunəsi kimi dəyərləndirib.

Qeyd edək ki, Azərbaycan idmançıları çempionatda “SOCAR Georgia” şirkətinin dəstəyi ilə iştirak edirlər.

Dünya çempionatında 66 ölkədən 728 idmançı iştirak edir.

Xətayi Əzizov

AZƏRTAC-ın xüsusi müxbiri

Tbilisi

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.