SİYASƏT


Azərbaycanın Rusiyadakı səfirliyində keçirilən səsvermədə fəallıq 99,8 faiz olub

A+ A

Moskva, 26 sentyabr, AZƏRTAC 

Azərbaycan Konstitusiyasına dəyişikliklər edilməsi məqsədilə ölkəmizin Rusiya Federasiyasındakı səfirliyində keçirilən ümumxalq səsverməsi – referendum yerli vaxtla saat 19:00-da başa çatıb.

Azərbaycanın Rusiyadakı səfirliyinin mətbuat xidmətindən AZƏRTAC-a bildiriblər ki, yüksək seçici fəallığı ilə baş tutmuş səsverməyə Rusiya ərazisində daimi yaşayan və ya müvəqqəti olan Azərbaycan vətəndaşları, o cümlədən Rusiyanın Ryazan vilayətindəki Federal Cəzaların İcrası Xidmətinin Hüquq və İdarəetmə Akademiyasında təhsil alan Azərbaycan Respublikası Ədliyyə Nazirliyi Penitensiar Xidmətinin kursantları, Rusiyanın Mülki Müdafiə, Fövqəladə Hallar və Təbii Fəlakətlərin Nəticələrinin Aradan Qaldırılması Nazirliyinin Mülki Müdafiə Akademiyasında müdavim olan Azərbaycan Fövqəladə Hallar Nazirliyinin zabitləri qatılıblar. Həmçinin Rusiya Azərbaycanlı Gənclər Birliyinin (RAGB) üzvləri xüsusi fəallıq göstəriblər. Bununla yanaşı, referendumda ən yaşlı seçici -“İsrail-Azərbaycan” Beynəlxalq Assosiasiyasının ağsaqqallar şurasının sədri, professor Mixail Aqarunov xanımı ilə və ilk dəfə seçkilərdə iştirak edən ən gənc seçici Leyla Bülbül səsvermə hüquqlarından istifadə ediblər.

Səfirlikdə yaradılmış 17 saylı Yasamal III seçki dairəsinin 48 nömrəli seçki məntəqəsində konsulluq uçotunda olan 1500 Azərbaycan vətəndaşından 1498 nəfəri səs verib. Bu da ümumi seçici hüququna malik vətəndaşlarımızın 99,86 faizini təşkil edir.

Referendumun gedişini izləyən MDB Parlamentlərarası Assambleyasından olan müşahidəçilər tərəfindən səsvermə zamanı heç bir nöqsana, qanun pozuntusuna rast gəlinmədiyi vurğulanıb, referendumun yüksək səviyyədə təşkil olunduğu qeyd edilib.

Fəridə Abdullayeva

AZƏRTAC-ın xüsusi müxbiri

Moskva

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.