Bakı, 18 dekabr, AZƏRTAC

“Absheron Hotel Group”un Şahdağ dağlıq kurortu ərazisində idarə etdiyi iki lüks “Pik Palace Şahdağ” və “Park Chalet Şahdağ” otelləri “Marriott” brendinin xüsusi portfeli sayılan eksklüziv və müstəqil lüks otel və kurortların cəmləşdiyi “Autograph Collection”un rəsmi üzvü olub.

“Absheron Hotel Group”dan AZƏRTAC-a bildiriblər ki, Bakıda açılacaq “Boulevard Hotel Bakı” və “Intourist Hotel Bakı” otelləri isə 2015-ci ilin iyun ayından etibarən “Autograph Collection”a qoşulacaqlar.

“Absheron Hotel Group” tərəfindən idarə olunan otellərin belə mötəbər beynəlxalq qrupa daxil olması mühüm hadisədir. Ona görə ki, sözügedən qrupa keyfiyyətli xidmət göstərən, müasir səyahətçiləri yüksək səviyyəli komfortla təmin edən və orijinallıq meyarlarına görə seçilmiş xüsusi otellər üzv ola bilir.

“Pik Palace Şahdağ”, “Park Chalet Şahdağ”, “Boulevard Hotel Baku” və “Intourist Hotel Baku” otellərinin hər biri özəl xüsusiyyətləri, və orijinallığına görə “Autograph Collection” otellər siyahısına daxil olmaq iqtidarındadır.

“Pik Palace Şahdağ” dağlıq kurortunda ucalan “Pik Palace” oteli Qusara yaxın məsafədə yerləşir. Qusar tarixən Azərbaycanın şimal qapısı olub və Avropa, Rusiya, Yaxın Şərq və Mərkəzi Asiyanı birləşdirən körpü rolunu oynayıb.

Lüks otel və kurort kompleksləri üzrə ixtisaslaşan aparıcı “Reardon Smith Architects” memarlıq şirkəti tərəfindən layihələndirilmiş “Pik Palace” mehmanxanası heyrətamiz mənzərə və müstəsna xidmət səviyyəsi ilə unudulmaz istirahət təklif edir.

Mehmanxananın qonaqlarına geniş həcmli çarpayılar, rahat qonaq və iş guşələri, həmçinin lüks nömrələr təqdim olunur. Böyük ölçülü mərmər hamam otaqları, ikigözlü əlüzyuyan, böyük hamam vannası, duş kabini və ayrıca tualet sahəsi fərdi və ailələr üçün maksimum rahatlığı təmin edir. Hər bir otağın döşəmədən tavana qədər uzanan pəncərələrindən və fransız eyvanlarından ilə dağlara möhtəşəm mənzərə açır.

“Pik Palace” otelinin “Chocolat Patisserie”, “Alpina Brasserie and Wine Bar” və “Fujisan” kimi restoran, bar və istirahət guşələri dağlarda zövqlə nahar etmək üçün unikal imkan yaradır. Mənəvi zənginlik və istirahət üçün qonaqlar “The Club Fitness & SPA”da aromatik prosedurlardan yararlana bilərlər.

Bakıdan 210 kilometr məsafədə yerləşən 164 otaqlı “Park Chalet” otelinin dizaynı ənənəvi Avropa üslubundan bəhrələnərək, ABŞ-ın Aspen şəhərindəki xizək otellərinin üslubunu da özündə əks etdirir. Hotelin rahat ev gözəl qonaq otaqları və syutləri, həmçinin xüsusi dizaynlı xalçalar, əhənglə yuyulmuş palıd panellər və digər ənənəvi əşyalar qonaqlarda unudulmaz təəssürat yaradacaq.

Şahdağ dağlıq kurortunun ən əsas mərkəzlərindən olan “Park Chalet” ən yüksək mərtəbədə yerləşən “Aspen Grill” restoran, lounge və barda ləziz yemək çeşidləri və “Mocca Cafe”də içki çeşidləri ilə qonaqlara xidmət göstərir. Buxar otaqları və sauna dağ mənzərəsindən sakitlik tapan ruhunuz mükəmməl hisslərlə zənginləşəcək.

Bakı buxtasının ortasında və şəhər mərkəzindən şərqdə yerləşən “Boulevard” otelində 818 rahat qonaq otağı olacaq.

Mehmanxana Bakının “Ağ Şəhər” qəsəbəsinin mərkəzində yerləşir. Paytaxtı Heydər Əliyev Beynəlxalq Aeroportu ilə birləşdirən əsas magistral yolun üzərində yerləşən bu mehmanxana Azərbaycanda ən böyük konfrans oteli kimi fəaliyyət göstərəcək.

“Boulevard” otelində 3 restoran, istirahət guşəsi kimi fəaliyyət göstərən launj və Xəzər dənizinə möhtəşəm mənzərə açılan və gün işığı ilə işıqlanan 1 300 kvadratmetrlik geniş ziyafət zalı fəaliyyət göstərəcək. Oteldə xidmət göstərəcək 6 funksional konfrans zalı ən son texnoloji audio-vizual ləvazimatlarla təmin olunacaq. “Boulevard” otelinin sağlamlıq və fitness zalı yorğun iclas və görüşlərdən sonra istirahət etmək üçün nəzərdə tutulub.

Paytaxtın mərkəzində, Xəzər dənizi ilə əhatələnən və Milli Park kimi tanınan bulvara dəniz mənzərəsi olan “Intourist Hotel Baku” butik oteli 150 qonaq otağı və syuitlərini qonaqlara təklif edəcək. Əsas turistik obyektlərə yaxın olması oteli şəhər mərkəzi ilə sıx əlaqələndirir.

“Intourist Hotel Baku” ən müasir standartlara cavab verən qonaqpərvərlik təcrübəsi, eleqant otaqları, syuitləri və restoranları ilə 80 illik canlı əfsanədir.

Bütövlükdə yuxarıda qeyd olunan mehmanxanaların idarəçiliyini həyata keçirən “Absheron Hotel Group” Azərbaycanda yeni otel idarəçiliyi və inkişafı şirkəti olmaqla, beynəlxalq səviyyəli otel və kurort şəbəkələri yaratmaqla, milli və regional bazarda aparıcı mövqe tutmaq niyyətindədir. Son illərdə ölkənin sosial-iqtisadi inkişafında əksini tapan turizm infrastrukturunun əhəmiyyətli inkişafı “Absheron Hotel Group”un təsis olunmasını şərtləndirib və bu prosesə təkan verib. Şirkətin fəaliyyət dairəsi Bakı və onun hüdudlarından kənarda müxtəlif orta və lüks səviyyəli otel və digər mehmanxana strukturlarını əhatə edir. “Absheron Hotel Group”un əsas fəaliyyət sahələri qonaqpərvərlik sənayesi, aktivlərin idarə edilməsi və biznesin inkişafı istiqamətləridir.

Daha ətraflı məlumatı www.absheronhotelgroup.com saytından almaq olar.