Azərbaycanın iki idmançısı universal döyüş üzrə dünya çempionatında qızıl medal qazanıb
Moskvada böyüklər (kişilər) arasında universal döyüş üzrə dünya çempionatı keçirilib.
Azərbaycan Universal Döyüş Federasiyasından AZƏRTAC-a bildiriblər ki, yarışda federasiyanın prezidenti Azər Həsənovun rəhbərliyi və Elşən İsmayılovun məşqçiliyi altında iştirak edən idmançılarımızdan 75 kq çəki dərəcəsində Nicat Əliyev, 70 kq çəki dərəcəsində Orxan Qurbanov qızıl medal qazanıblar. 80 kq çəki dərəcəsində isə Mobil Hüseynov bürünc medala layiq görülüb. Bununla da Nicat Əliyev və Orxan Qurbanov ardıcıl olaraq böyüklər arasında 2 qat dünya çempionu olublar.
Bölmənin digər xəbərləri
