MƏDƏNİYYƏT


“Azərbaycanın mədəni sərvəti” layihəsinin iştirakçıları təltif olunub

Bakı, 23 dekabr, Zərəngiz Mansurova, AZƏRTAC

Dekabrın 23-də Azərbaycan Xalça Muzeyində “Azərbaycanın mədəni sərvəti” layihəsi çərçivəsində tədbir keçirilib.

AZƏRTAC xəbər verir ki, tədbir UNESCO üzrə Azərbaycan Respublikasının Milli Komissiyası və Azərbaycan Xalça Muzeyinin birgə təşkilatçılığı ilə reallaşıb.

Muzeyin direktoru Şirin Məlikova layihə haqqında məlumat verərək bildirib ki, “Azərbaycanın mədəni sərvəti” layihəsi çərçivəsində unudulmaqda olan parça, tikmə və milli geyimlərin dirçəlməsi üzrə Almaniya, Rusiya, Özbəkistan, Qazaxıstan və Qırğızıstandan dəvət olunmuş mütəxəssislər tərəfindən ustad dərsləri keçirilib. Ümumiyyətlə, layihənin məqsədi unudulmaqda olan milli adət-ənənələrimizi yaşatmaqdan ibarətdir.

UNESCO üzrə Azərbaycan Respublikasının Milli Komissiyasının müşaviri Gülnarə Ağalarova və Xalça Muzeyinin elmi-bərpa və konservasiyası üzrə direktor müavini Yalçın Səlimov layihənin nəticələri barədə məlumat veriblər. Bildirilib ki, 41 gün ərzində həm muzeyin bərpa və konservatorları, həm də ölkəmizdə fəaliyyət göstərən digər mədəniyyət ocaqlarının əməkdaşları, bu sahələr üzrə təhsil alan tələbələr ustad dərslərində iştirak edib və təcrübə mübadiləsi aparıblar. Natiqlər layihənin unudulmaqda olan əl sənəti işlərini qoruyub gələcək nəsillərə çatdırmaq, bu sahədə yeni kadrların yetişdirilməsinə nail olmaq baxımından böyük əhəmiyyət kəsb etdiyini bildiriblər.

Tədbir iştirakçıları “Azərbaycanın mədəni sərvəti” layihəsi barədə videoçarxa baxıblar.

Sonda “Azərbaycanın mədəni sərvəti” layihəsinin iştirakçılarına sertifikatlar təqdim olunub.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.