İQTİSADİYYAT


Azərbaycanın növbəti ixrac missiyası Dubaya gedir

A+ A

Bakı, 25 noyabr, AZƏRTAC

“Made in Azerbaijan” brendinin təşviqi məqsədilə İqtisadiyyat Nazirliyi tərəfindən növbəti ixrac missiyası noyabrın 27-dən 30-dək Birləşmiş Ərəb Əmirliyinin Dubay şəhərinə təşkil olunacaq.

İqtisadiyyat Nazirliyinin mətbuat xidmətindən AZRTAC-a bildiriblər ki, Azərbaycanda İxracın və İnvestisiyaların Təşviqi Fondunun (AZPROMO) və ölkəmizin şirkətlərinin nümayəndələrinin daxil olduğu ixrac missiyası səfər zamanı “Carrefour”, “Spinneys”, “Union Co-op” kimi iri market şəbəkələrində olacaq. Səfər çərçivəsində Azərbaycan şirkətlərinin təmsilçiləri AZPROMO və “Dubay Exports”un təşkilatçılığı ilə ərəb şirkətlərinin nümayəndələri ilə ikitərəfli görüşlər keçirəcək, ixracın təşkili məsələlərini müzakirə edəcəklər.

Qeyd edək ki, İqtisadiyyat Nazirliyi tərəfindən Birləşmiş Ərəb Əmirliyinin Dubay şəhərinə təşkil olunan ixrac missiyasına müsabiqə əsasında seçilmiş və Azərbaycanda meyvə şirələri, təbii mineral sular, meyvə-tərəvəz məhsulları, ət və ət məhsulları, bal, süd və süd məhsullarının istehsalı sahəsində fəaliyyət göstərən 20 şirkət daxildir.

 

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.