CƏMİYYƏT


Azərbaycanın şimal-şərq regionunda epileptoloji  xidmətin təşkili məsələləri müzakirə olunub

Bakı, 11 iyul, AZƏRTAC 

Qubada Səhiyyə Nazirliyinin baş nevroloqu, Azərbaycan Tibb Universitetinin (ATU) I nevrologiya və tibbi genetika kafedrasının müdiri, professor Şərif Mahalovun təşəbbüsü və rəhbərliyi ilə Azərbaycan Epilepsiya ilə Mübarizə Liqasının II regional elmi-praktik konfransı keçirilib. Tədbir Azərbaycanda epileptoloji xidmətin səviyyəsini yüksəltmək məqsədilə təşkil olunub.

ATU-nun mətbuat xidmətindən AZƏRTAC-a bildiriblər ki, konfransda professor Ş.Mahalovun “Azərbaycanın şimal-şərq regionunda epileptoloji xidmətin təşkili” mövzusunda məruzəsi dinlənilib.

Sonra nevrologiya kafedrasının digər əməkdaşları epilepsiyanın yaranma səbəbləri, formaları, klinikası, diaqnostikası və müalicəsində ən müasir yanaşmalarla bağlı məlumat veriblər. Epilepsiyada real tutmaların videoları göstərilib və xəstələrin kliniki təhlili aparılıb.

Konfransda Quba, Qusar, Siyəzən, Xaçmaz və Şabran rayonlarından olan 50-dən çox həkim iştirak edib.

Tədbir regionun həkimləri tərəfindən böyük maraqla qarşılanıb.

ATU-nun Tədris Terapevtik Klinikasının nəzdində fəaliyyət göstərən Azərbaycan Nevroloqlar Assosiasiyasının və Azərbaycan Epilepsiya üzrə Mübarizə Liqası uzun illərdir epilepsiyanın diaqnostikası, müalicəsi və bir çox aktual problemləri ilə məşğuldur.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.