İDMAN


Azərbaycanın taekvondo komandası MDB ölkələri arasında birinci, Avropada ikinci, Rioda dördüncü olub

A+ A

Bakı, 22 avqust, AZƏRTAC

Azərbaycanın taekvondo üzrə yığma komandası MDB ölkələri arasında birinci, Avropada ikinci, Rio Olimpiadasında isə dördüncü yeri qazanıb.

AZƏRTAC xəbər verir ki, tarixində ilk dəfə Olimpiya Oyunlarında mükafat qazanan taekvondo üzrə Azərbaycan millisi “Rio-2016”da ən yaxşı yığmalardan biri olub.

Braziliyaya tam heyətlə - dörd idmançı ilə yollanan komandamız Cənubi Amerika ölkəsində 3 medal əldə edib.

Səksən kiloqramdan yuxarı çəki dərəcəsində çıxış edən Radik İsayev XXXI Yay Olimpiya Oyunlarında Azərbaycanın yeganə qızıl medalına sahibi olub. Komandamızın digər üzvləri Milad Beiqi Harçeqani (80 kq) və Patimat Abakarova (49 kq) bürünc medala sahib olublar. Taekvondoçularımızdan yalnız Fəridə Əzizova (67 kq) beşinci olub.

Azərbaycan yığması bu göstərici ilə “Rio-2016”nın taekvondo yarışlarında dördüncü pillədə qərarlaşıb. Millimiz yalınız Koreya Respublikası, Çin və Böyük Britaniyadan geri qalıb. Avropada ikinci olan komandamız keçmiş Sovet İttifaqında isə birincidir.

Xatırladaq ki, taekvondo yarışlarında 64-ü kişi və 64-ü qadın olmaqla, ümumilikdə, 64 ölkədən 128 idmançı 8 çəki dərəcəsində mübarizə aparıb.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.