SİYASƏT


Azərbaycanın və İranın mədəniyyət nazirləri Tehranda görüşüblər

Tehran, 3 iyul AZƏRTAC

İyulun 3-dən 9-dək İranda Azərbaycan mədəniyyəti günləri keçiriləcək. Bununla əlaqədar İranda səfərdə olan Azərbaycanın mədəniyyət və turizm naziri Əbülfəs Qarayev iyulun 3-də İranın mədəniyyət və islam irşadı naziri Salehi Əmiri ilə görüşüb.

Görüşdə ölkələrimiz arasında mədəni əlaqələrin inkişafı məsələləri müzakirə edilib.

Qeyd olunub ki mədəniyyət günlərinin qarşılıqlı şəkildə keçirilməsi xalqların biri-birini daha yaxından tanımasına imkan yaradır.

Diqqətə çatdırılıb ki, Azərbaycan və İran xalqları eyni dinə, mədəniyyətə və adət ənənələrə malikdirlər. Yaxın qonşu və dost dövlətlər olan Azərbaycan ilə İranın mədəniyyət sahəsindəki əməkdaşlıq əlaqələri xalqlarımızın maraqlarını əks etdirir.

 

Rabil Kətanov

AZƏRTAC-ın xüsusi müxbiri

Tehran

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.