İDMAN


Azərbaycanın yeniyetmə cüdoçuları Avropa çempionatında 1 qızıl olmaqla 5 medal qazanıblar

Bakı, 2 iyul, AZƏRTAC

Litvanın Kaunas şəhərində yeniyetmələr arasında Avropa çempionatında ölkəmizin gənc cüdoçuları uğurla yarışıblar.

AZƏRTAC xəbər verir ki, çempionatda qalib adı uğrunda 42 ölkədən 430 yeniyetmə cüdoçu mübarizə aparıb. Ölkəmizi həmin birincilikdə 16 idmançı - oğlanlar arasında 10, qızlar arasında 6 cüdoçu təmsil edib. Azərbaycan idmançıları yarışda uğurla çıxış edərək 1 qızıl, 3 gümüş və 1 bürünc medal qazanıblar.

Vüsalə Kərimova 40 kiloqram çəki dərəcəsində bütün rəqiblərinə qalib gələrək finalda ukraynalı Anastasiya Balabanı məğlub edib və fəxri kürsünün ən yüksək pilləsinə yüksəlib. Oğlanların yarışında 55 kiloqram çəki dərəcəsində Ayxan Tanrıverdiyev, 60 kiloqram çəki dərəcəsində Vüsal İbrahimoiv, 66 kiloqram çəki dərəcəsində Knyaz Mahmudlu yalnızı final görüşündə uduzaraq gümüş medala sahib olublar. Həmyerlimiz Davud Abbaslı isə 60 kiloqram çəki dərəcəsində bürünc medala layiq görülüb.

Onu da qeyd edək ki, qalib idmançılardan 3-ü "Jido Club-2012"-ni təmsil edir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.