İDMAN


Azərbaycanın yeniyetmə şahmatçıları dünya çempionatında mübarizəni davam etdirirlər

A+ A

Bakı, 13 avqust, AZƏRTAC

Azərbaycan şahmatçıları Hindistanın Bhubaneşvar şəhərində yeniyetmələr arasında keçirilən dünya çempionatında mübarizəni davam etdirirlər.

AZƏRTAC xəbər verir ki, beş turdan sonra Azərbaycan şahmatçısı Nərmin Soyunlunun aktivində 2,5 xal var. Rusiyalı Dinara Dorjiyeva 4,5 bal toplayaraq Filippin təmsilçisi Canel Freyn ilə ilk sıranı bölüşür.

Turnirdə Azərbaycanın ikinci təmsilçisi Aqil Pirverdiyev də 2,5 xal toplayıb. Oğlanların yarışında 4,5 xalla Hindistan nümayəndəsi - qrossmeyster Murali Kartikeyan liderlik edir.

Avqustun 13-14-də yarışların altıncı və yeddinci turları keçiriləcək. Sonra iştirakçılara birgünlük istirahət veriləcək.

Yarışlara avqustun 21-də yekun vurulacaq.

İsveçrə sistemi üzrə keçirilən turnir 13 turdan ibarətdir.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.