SİYASƏT


Azərbaycanla bağlı həqiqətlərin Tacikistanda geniş təbliği məsələləri müzakirə edilib

Bakı, 12 fevral, AZƏRTAC

Azərbaycanın Tacikistandakı səfiri Abbasəli Həsənov bu ölkə hökumətinin nəzdindəki “Xovar” milli xəbər agentliyinin direktoru Saidali Siddik ilə görüşüb.

Səfirlikdən AZƏRTAC-a bildiriblər ki, görüşdə xalqımızın ümummilli lideri Heydər Əliyevin Azərbaycanın müstəqilliyinin qorunmasında və ölkəmizin inkişafında misilsiz xidmətləri diqqətə çatdırılıb. Həmçinin Prezident İlham Əliyev ilə Prezident Emoməli Rəhmon arasında mövcud dostluq münasibətlərinin Azərbaycan-Tacikistan əlaqələrinin inkişafında mühüm rolu qeyd olunub.

Söhbət zamanı siyasi, iqtisadi və humanitar sahələrə dair məsələlərin hər iki ölkənin kütləvi informasiya vasitələrində işıqlandırılmasının, KİV-lər arasında əməkdaşlığın genişləndirilməsinin vacibliyi diqqətə çatdırılıb. S.Siddik bu baxımdan “Xovar” agentliyi ilə AZƏRTAC və “Trend” agentlikləri arasında əməkdaşlığın yüksək səviyyədə olduğunu vurğulayıb.

Görüşdə, həmçinin ölkəmizlə bağlı həqiqətlərin, o cümlədən Ermənistan-Azərbaycan, Dağlıq Qarabağ münaqişəsinin, eləcə də Xocalı faciəsinin 25-ci ildönümü ilə əlaqədar Düşənbədə keçiriləcək tədbirlərin bu ölkə ictimaiyyətinin diqqətinə çatdırılması məqsədilə “Xovar” agentliyi və radiosu tərəfindən geniş işıqlandırılması məsələləri müzakirə edilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.