ELM VƏ TƏHSİL


Azərbaycanlı alim Obuda Universitetinin fəxri professoru seçilib

Budapeşt, 16 iyun, AZƏRTAC

Budapeştin Obuda Universitetində fəxri professor adının verilməsi ilə bağlı tədbir keçirilib. Bu universitet hər il Macarıstana dünyanın müxtəlif ölkələrindən iki professor dəvət edir və onları bu ada layiq görür.

2017-ci ildə Obuda Universitetinin bu ali mükafatına Azərbaycan Texniki Universitetinin professoru, texnika elmləri doktoru Şahnaz Şahbazova layiq görülüb.

Tədbirdə Macarıstanın elmi ictimaiyyətinin nümayəndələri, ziyalılar iştirak ediblər. Obuda Universitetinin rektoru, professor Mixay Reqer fəxri professor diplomunu Ş.Şahbazovaya təqdim edib.

Azərbaycanlı alim ingilis dilində öz elmi fəaliyyəti barədə məlumat verib. O, tanınmış azərbaycanlı alim, professor Lütfi Zadədən danışıb, onunla birgə çalışdığını qürurla vurğulayıb. Bundan əlavə Ş.Şahbazova öz elmi istiqamətlərindən – qeyri-səlis çoxluqlar, genetik alqoritmlər, süni intellekt sistemləri və neyron şəbəkəsindən bəhs etdi.

Tədbirdə Azərbaycan Respublikasının Macarıstandakı səfiri Vilayət Quliyev, səfirliyin əməkdaşları iştirak ediblər.

Pərvanə Qarayeva

AZƏRTAC-ın xüsusi müxbiri

Budapeşt

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.