CƏMİYYƏT


Azərbaycanlı alim Polşada beynəlxalq iqtisadi forumda məruzə edib

A+ A

Bakı, 19 sentyabr, AZƏRTAC

Azərbaycan Dövlət İqtisad Universitetinin (UNEC) elm şöbəsinin müdiri, professor Zahid Məmmədov Polşada “Dayanıqlı Avropaya Doğru: Gələcək Strategiya” mövzusunda XXVI İqtisadi forumda iştirak edib.

UNEC-dən AZƏRTAC-a bildiriblər ki, azərbaycanlı alim forumda “Azərbaycanın Avropa institutları ilə əməkdaşlıq: müasir vəziyyət, problemlər və perspektivlər” mövzusunda məruzə ilə çıxış edib. Həmçinin, o, Polşa-Azərbaycan Biznes Şurasının açılış mərasimində UNEC haqqında təqdimatla çıxış edib.

Krınitsa-Zdruyda Şərq Araşdırmalar İnstitutunda təşkil olunan forumda Avropanın mövcud aktual, ən vacib iqtisadi, sosial və siyasi problemləri müzakirə edilib.

Z.Məmmədov, həmçinin Polşanın məşhur iqtisadçı alimlərinin UNEC–də tədris və elmi fəaliyyətə cəlb edilməsi, eləcə də Polşa Şərq Araşdırmalar İnstitutunun dəstəyi ilə UNEC tələbələrinin Polşa Biznes təşkilatlarında təcrübə keçmələri barədə danışıqlar aparıb.

 

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.