ELM VƏ TƏHSİL


Azərbaycanlı alim beynəlxalq təşkilatın vitse-prezidenti seçilib

Bakı, 4 iyul, AZƏRTAC 

Azərbaycan Milli Elmlər Akademiyasının (AMEA) A.Qarayev adına Fiziologiya İnstitutunun direktoru, Azərbaycan Herontologlar Cəmiyyətinin prezidenti Ulduz Həşimova Astanada Herontoloqların ikinci Avrasiya qurultayında iştirak edib.

İnstitutdan AZƏRTAC-a bildiriblər ki, qurultayda U.Həşimova Avrasiya Herontologiya, Heriatriya və Antiqocalma Təbabəti Assosiasiyasının vitse-prezidenti seçilib. Tədbirdə azərbaycanlı alim ölkəmizdə yaşayan yüksək uzunömürlülük indeksi ilə fərqlənən populyasiyalarının öyrənilməsi üzrə elmi-tədqiqat proqramının nəticələri barədə məruzə ilə çıxış edib.

Qurultay çərçivəsində herontologiya və heriatriyanın fundamental, klinik və tibbi-sosial məsələləri müzakirə olunub.

Beynəlxalq tədbir Qazaxıstan Respublikası Prezidenti İşlər İdarəsi Tibb Mərkəzi, Qazaxıstan Respublikasının Herontoloqlar Cəmiyyəti və Avrasiya Herontologiya, Heriatriya və Antiqocalma Təbabəti Assosiasiyası tərəfindən birgə təşkil edilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.