SİYASƏT


Azərbaycanlı deputat AŞPA-nın iclasında Fransa Prezidentinə multikulturalizmlə bağlı sual ünvanlayıb

A+ A

Strasburq, 11 oktyabr, AZƏRTAC

AŞPA-nın payız sessiyasının plenar iclasından sonra Fransa Respublikasının Prezidenti Fransua Olland assambleyanın üzvlərinin suallarını cavablandırıb.

Azərbaycan nümayəndə heyətinin üzvü Sevinc Fətəliyeva Fransa dövlətinin başçısına belə bir sual ünvanlayıb: “Skeptiklər bildirirlər ki, artıq multikulturalizm siyasəti tənəzzülə uğrayıb. Ancaq təcrübə göstərir ki, kökünü ümumavropa dəyərlərindən götürən multikulturalizm ideyasının zəfəri terrorizmə qarşı ən ağır zərbədir. Digər dinlərə və millətlərə qarşı rəğbətin və xoş məramın hökm sürdüyü cəmiyyətlərdə terrorizmin mənbəyi olan dözümsüzlük və nifrətin artmasına yer yoxdur.

Sizcə Avropa cəmiyyətlərində multikulturalizm siyasətini terrorizmlə mübarizə vasitəsi kimi yenidən canlandırmaq olarmı? Avropa cəmiyyətlərində bunu hansı vasitələrlə etmək mümkündür?

Fransua Olland Fransanın dünyəvilik modelini misal çəkərək bütün dini təriqətlərin sülh içərisində birgə yaşamasının mümkün olduğunu bildirib. Dövlət başçısı Fransada dünyəvilik prinsipinin ölkədəki bütün dinlərin nümayəndələrinin sülh şəraitində birgə yaşaya bilməsinə, dini azadlıqların təmin edilməsinə imkan yaratdığını qeyd edib. Prezident, eyni zamanda, dini adətlərin və qaydaların ictimai həyata təsir etməməsinin önəmini vurğulayıb, cəmiyyətlərdə qanunun aliliyinin vacibliyini diqqətə çatdırıb.

Şəhla Ağalarova

AZƏRTAC-ın xüsusi müxbiri

Strasburq

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.