SİYASƏT


Azərbaycanlı deputatın bəyannaməsi AŞPA-nın saytında dərc olunub

Paris, 18 dekabr, AZƏRTAC

Avropa Şurası Parlament Assambleyasının saytında Milli Məclisin deputatı, AŞPA-nın miqrasiya, qaçqınlar və məcburi köçkünlər üzrə komitəsinin sədri Sahibə Qafarovanın Beynəlxalq Miqrantlar Günü ilə bağlı bəyannaməsi dərc olunub.

Bəyannamədə son onilliklər ərzində Avropa quruculuğunda miqrantların rolundan bəhs edilir. Bildirilir ki, gərgin vəziyyətlərin və mübarizələrin nəticəsində peyda olan bugünkü qarışıq hibridləşmiş mədəniyyətlərin, etiqadların, adət-ənənələrin yaranmasında miqrantların və ya onların övladları olan siyasətçilərin, alimlərin, mütəfəkkirlərin rolu böyükdür.

S.Qafarova bəyannamənin sonunda bütün üzv dövlətləri, beynəlxalq təşkilatları və vətəndaş cəmiyyətlərini optimist və gələcəyə ümidlə baxan miqrant uşaqlara, gənclərə və yaşlılara humanist yanaşmağa və onları müsbət qarşılamağa çağırıb.

Qeyd edib ki, miqrasiya böhran və ya təhdid deyil, hamımız üçün müsbət bir fürsətdir.

Şəhla Ağalarova

AZƏRTAC-ın xüsusi müxbiri

Paris

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.