İQTİSADİYYAT


Azərbaycanlı nazir Berlində Dünya Turizm Təşkilatının İpək Yolu Nazirlərinin görüşündə iştirak edib

Bakı, 9 mart, AZƏRTAC

Mədəniyyət və turizm naziri Əbülfəs Qarayev Berlində keçirilən Dünya Turizm Təşkilatının (DTT) İpək Yolu Nazirlərinin görüşündə iştirak edib.

Nazirlikdən AZƏRTAC-a bildirilib ki, tədbiri açıq elan edən DTT-nin baş katibi Taleb Rifai İpək Yolunun tarixi və onun turizmin inkişafı baxımından əhəmiyyətindən danışıb.

Ə.Qarayev Azərbaycanın İpək Yolu ilə tarixi bağlılığı və bu yolun tarixən malik olduğu iqtisadi və mədəni əhəmiyyətinə toxunub. O, son dövrlərdə bu yolun bir turizm məhsulu kimi dünya səyahət bazarında əhəmiyyətinin artdığını diqqətə çatdırıb. Nazir, həmçinin İpək Yolunun təkcə coğrafi anlayış deyil, eyni zamanda, mədəniyyətləri birləşdirən bir yol olduğunu bildirib.

Tədbir çərçivəsində Əbülfəs Qarayev Türkiyə, Yunanıstan, İran və digər ölkələrin turizm üzrə məsul nazirləri ilə fikir mübadiləsi aparıb.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.