MƏDƏNİYYƏT


Azərbaycanlı pianoçu İsveçrədə keçirilən müsabiqədə ikinci yerə layiq görülüb

Bern, 11 iyul, AZƏRTAC

Azərbaycanlı gənc pianoçu, əslən Xocalıdan olan Brilyant Məmmədli növbəti uğura imza atıb.

İsveçrədə fəaliyyət göstərən “Azərbaycanın Dostları” Birliyindən bildiriblər ki, Naftalan Şəhər Uşaq Musiqi Məktəbində təhsil alan 11 yaşlı pianoçu İsveçrənin Val de Traver regionunda keçirilən “Gənc ifaçıların beynəlxalq müsabiqəsi”ndə iştirak edib.

Xatirə Qəmxarovanın yetirməsi olan gənc pianoçu müsabiqədə İ.S.Bax, V.A.Motsart və Niyazinin əsərlərini məharətlə ifa edərək münsiflər heyətinin rəğbətini qazanıb. B.Məmmədli müsabiqədə ikinci yerə layiq görülüb.

Qeyd edək ki, gənc musiqiçi ötən il Vyanada “Edelvays” beynəlxalq müsabiqəsində də ikinci yeri tutub.

Elgün Niftəli

AZƏRTAC-ın xüsusi müxbiri

Bern

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.