MƏDƏNİYYƏT


Azərbaycanlı pianoçunun Türkiyədə yeni albomu təqdim ediləcək

Bakı, 14 mart, AZƏRTAC

Martın 25-də tanınmış pianoçu, Əməkdar Artist İslam Manafovun görkəmli bəstəkar F.Şopenin əsərlərindən ibarət yeni albomunun İstanbulda təqdimatı olacaq.

Diasporlarla İş üzrə Dövlət Komitəsindən AZƏRTAC-a bildirilib ki, əfsanəvi prodüser Kristofer Alderin rəhbərliyi ilə Almaniyanın Hannover şəhərində yerləşən “Bethoven” zalında yazılmış CD-albom artıq İsveçrə, Avstriya, Almaniya və digər ölkələrdə satışa çıxarılıb.

İ.Manafovun ifasında ərsəyə gəlmiş albomun Avropada ilk təqdimat konserti Avstriyanın Vyana şəhərində keçirilib. Bir sıra diplomatik korpus nümayəndələrinin və dünya şöhrətli musiqiçilərin qatıldığı konsert proqramı anşlaqla keçib.

Lüksemburqda çap edilən “Pizzicato” jurnalında həmyerlimiz haqqında məqalə dərc olunub.

Qeyd edək ki, İslam Manafov tərəfindən ifa olunan bu əsərlər Avropa və ABŞ-ın bir çox yerli radiolarında səsləndirilib. Albomu “iTunes” və “Spotify” kimi onlayn platformalardan dinləmək mümkündür.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.