ELM VƏ TƏHSİL


Azərbaycanlı rəssam “Mogilyov qonaqların gözü ilə” beynəlxalq simpoziumunda

Bakı, 20 iyun, AZƏRTAC 

Azərbaycan Dövlət Mədəniyyət və İncəsənət Universiteti rəssamlıq fakültəsinin dizayn və dekorativ-tətbiqi sənət kafedrasının müəllimi Vüqar Əliyev Belarusun Mogilyov şəhərində “Mogilyov qonaqların gözü ilə” beynəlxalq simpoziumunda iştirak edib.

ADMİU-dan AZƏRTAC-a bildiriblər ki, Mogilyov şəhərinin 750 illiyinə həsr olunan simpoziumda Azərbaycan, Belarus, Rusiya, Çin, Hindistan, Litva, Makedoniya, Ukrayna və Özbəkistandan rəssamlar iştirak ediblər.

Simpoziumun təşkilatçısı mogilyovlu rəssam Oksana Evdokimenko müxtəlif ölkələrdən dəvət olunan rəssamlara uğurlar arzulayıb, bu yaradıcı simpoziumun gələcəkdə ənənəyə çevriləcəyinə əminliyini bildirib.

Simpozium çərçivəsində rəssamlar Mogilyov şəhəri ilə tanış olub, xalqların birliyinin rəmzi olan heykəli birlikdə rəngləyiblər.

Sonda rəssamlar diplom ilə təltif edilib. Onların əsərləri Mogilyov Tarix Muzeyində açılan “Mogilyov qonaqların gözü ilə” sərgisində nümayiş olunub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.