ELM VƏ TEXNOLOGİYA


Azərbaycanlı torpaqşünas alimlər koreyalı həmkarları ilə əməkdaşlıq edəcəklər

A+ A

Bakı, 22 sentyabr, AZƏRTAC

Koreya Respublikası Seul Milli Universitetinin professoru Hee-Myong Ro və doktor Junho Han Azərbaycan Milli Elmlər Akademiyasının (AMEA) Torpaqşünaslıq və Aqrokimya İnstitutunda olublar.

İnstitutdan AZƏRTAC-a bildiriblər ki, seminarda xarici alimlər “Koreya və Azərbaycan arasında torpaqların duzlardan təmizlənməsi sahəsində ikitərəfli əməkdaşlıq” mövzusunda məruzə ilə çıxış ediblər.

Tədbirdə akademik Qərib Məmmədov iki ölkə arasında torpaqşünaslıq sahəsində əməkdaşlığın əhəmiyyətindən danışıb. Bu əlaqələrin qurulmasında göstərilən köməyə görə AMEA-nın rəhbərliyinə və SEBA (Seul-Bakı) Azərbaycan-Koreya Mədəniyyət Mübadiləsi Assosiasiyasına təşəkkürünü bildirib.

Professor Hee-Myong Ro ölkələrimiz arasında torpaqşünaslıq sahəsində əməkdaşlıqdan danışıb. Qeyd edilib ki, torpaqların bərpa olunması çox uzunmüddətli prosesdir. Bu müddət ərzində biz Azərbaycan torpaqlarını daha yaxşı tanıyacağıq.Torpaqlarda şorlaşma prosesinin qarşısını almaq məqsədilə birgə elmi-texniki tədqiqat işlərinin aparılması aktualdır və böyük əhəmiyyət daşıyır.

Sonra qonaqlar institutun maddi-texniki bazası və alimlərin elmi fəaliyyəti ilə tanış olublar.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.