MƏDƏNİYYƏT


Azərbaycanlı violonçelçalan İngiltərədə konsert proqramı ilə çıxış edəcək

Bakı, 12 mart, AZƏRTAC

Violonçelçalan, beynəlxalq mükafatlar laureatı Camal Əliyev iyunun 16-da İngiltərədə Qərbi Susseksdə “Champs Hill” zalında konsert proqramı ilə çıxış edəcək.

AZƏRTAC Camal Əliyevin saytına istinadla xəbər verir ki, onu fortepianoda Daniel Evans müşayiət edəcək. Konsertdə L.Betxoven, İ.Brams, S.Raxmaninov və D.Şostakoviçin əsərləri səsləndiriləcək.

Camal Əliyev Türkiyə, Böyük Britaniya, Fransa, İsveçrə, Çin və başqa ölkələrdə bir sıra beynəlxalq festivallarda iştirak edib, solo konsertlər verib. O, Azərbaycan tarixində ilk dəfə BBC radiosunda orkestrin müşayiəti ilə solo çıxış edib, “BBC Introducing Classical Artist” proqramının iştirakçısı olub.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.