İQTİSADİYYAT


“Azəriqaz” bu il “ASAN xidmət” vasitəsilə 50 mindən çox istehlakçıya xidmət göstərib

Bakı, 10 iyun, AZƏRTAC

“Azəriqaz” İstehsalat Birliyi yanvar-may ayları ərzində “ASAN xidmət” vasitəsilə 50 mindən çox istehlakçıya xidmət göstərib.

Birliyin ictimaiyyətlə əlaqələr şöbəsindən AZƏRTAC-a bildirilib ki, SOCAR-ın “Azəriqaz” İstehsalat Birliyi tərəfindən yanvar-may ayları ərzində Azərbaycan Respublikası ərazisində fəaliyyət göstərən “ASAN xidmət” mərkəzlərində istehlakçılardan daxil olan müraciətlər əsasında smart tipli sayğaclar ilə təchiz olunmuş istehlakçılara müvafiq xidmətlərin göstərilməsini, müraciətlərdən asılı olaraq şöbələrdən tələb olunan məlumatların əldə olunmasını və bu informasiyalar əsasında istehlakçılara xidmətlərin göstərilməsini təmin edib.

Bu ilin yanvar-may ayları ərzində Bakı şəhəri üzrə 1 və 2 saylı “ASAN Komunal” mərkəzlərinə, “Səyyar ASAN” vasitəsilə və 1, 2, 3, 4, 5 saylı, həmçinin Bərdə, Sabirabad, Masallı, Qəbələ rayonlarında və Gəncə şəhərində yerləşən “ASAN xidmət” mərkəzlərinə, ümumilikdə, 50 min 58 müraciət daxil olub və bu müraciətlərin icrası tam təmin olunub.

İstehlakçılarla münasibətlərin təkmilləşdirilməsi, göstərilən xidmətlərin keyfiyyətinin yüksəldilməsi məqsədilə “Azəriqaz” bu istiqamətdə fəaliyyətini bundan sonrada davam etdirəcək.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.