İQTİSADİYYAT


Azexport Şərqi Asiya və ərəb ölkələri bazarlarına inteqrasiya olunub

Bakı, 15 fevral, AZƏRTAC

Azexport.az portalı dünyanın daha iki böyük ticarət portalına inteqrasiya olub. Bunlardan biri Şərqi Asiya ölkələrinə ixrac potensialı daha güclü olan EC21.com portalıdır. Dünyanın böyük qlobal B2B portallarından biri olan Tradekey.comda hər gün milyonlarla satış həyata keçirilir. Portalın məlumat bazasında 1,5 milyon şirkət nümayəndəsi, 3 milyon məhsul və 3 milyon qeydiyyatdan keçmiş alıcısı var.

İqtisadi İslahatların Təhlili və Kommunikasiya Mərkəzindən AZƏRTAC-a bildirilib ki, Azexport.az portalının inteqrasiya olunduğu digər - Tradekey.com portalı ərəb ölkələrinə olan ixrac potensialını ələ alan beynəlxalq platformadır. 2005-ci ildə fəaliyyətə başlayan bu şirkət, dünyanın 220 ölkəsindən alıcı və satıcıları bir araya toplayan qlobal B2B platformadır. Həmçinin dünyada ISO sertifikatları ilə təsdiq olunmuş ilk biznes portalı olaraq, beynəlxalq keyfiyyət standartları və müştəri məlumat və data bütövlüyü təhlükəsizliyini ən yüksək səviyyədə təmin edir.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.