SİYASƏT


Əzizağa Qənizadə: Ermənistan itkilərinin sayının azalmasını istəyirsə, təxribatlara son qoymalıdır

Bakı, 19 yanvar, AZƏRTAC

Son günlər Ermənistan ordusunda itkilərin sayının artması bu ölkə cəmiyyətində böyük əks-səda doğurub. Ermənilər sosial şəbəkələrdə artıq vahiməyə düşdüklərini gizlətmir, bununla əlaqədar ölkə rəhbərliyini aşkar şəkildə günahlandırmaqdan çəkinmirlər. Sosial şəbəkələrdə yayılan xəbərlərdən məlum olur ki, yanvarın əvvəlindən bu günədək məhv edilən Ermənistan hərbi qulluqçularının sayı artıq beşi keçib, xeyli yaralı var.

Bunu Ermənistan ordusunun itkiləri barədə məlumatları AZƏRTAC-a şərh edən ehtiyatda olan polkovnik Əzizağa Qənizadə bildirib.

Ə.Qənizadə deyib ki, düşmən təxribatlarına və mövqelərimizin atəşə tutulmasına ordumuzun bölmələri tərəfindən qətiyyətlə və dərhal cavab verilir. Şəhidimizin qisasının qısa zamanda, hətta artıqlaması ilə alınmasına hamımız şahid olduq. Çünki biz dəfələrlə xəbərdarlıq etmişik ki, əgər işğala son qoyulmazsa və təxribatlar davam etdirilərsə, düşmənə cavab daha sarsıdıcı olacaq. Ermənistan itkilərinin sayının azalmasını istəyirsə, bu cür əməllərə, təxribatlara son qoymalıdır. Azərbaycan bir qarış torpağını belə düşmənə güzəştə getməyəcək. Ermənilər bunu anlasalar, onların itkiləri də olmaz.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.