CƏMİYYƏT


BELTA jurnalistlər üçün press-tur təşkil edib

A+ A

Minsk, 28 sentyabr, AZƏRTAC

Belarus Teleqraf Agentliyi (BELTA) və Belarus Milli Turizm Agentliyi MDB ölkələrinin dövlət informasiya agentliklərinin jurnalistləri üçün press-tur təşkil edib.

Tədbirin əsas məqsədi Belarus Respublikasının turizm, mədəniyyət, iqtisadiyyat və istehsal potensialını təqdim etməkdir.

Jurnalistlərin Belarusun paytaxtı Minsk ilə tanışlığı “Şərəf kurqanın”dan başlayıb. Media təmsilçilərinə bu abidə haqqında məlumat verilib. Bildirilib ki, abidə 1941-1945-ci illərdə həlak olanların xatirəsinə ucaldılıb.

Jurnalistlərlə görüşündə BELTA-nın baş direktoru Dmitri Juk hər bir ölkədə baş verən proseslərin geniş ictimaiyyətə çatdırılmasında media nümayəndələrinin rolunu qeyd edib, səfər iştirakçılarına uğurlar arzulayıb. Azərbaycan ilə bağlı təəssüratlarını bölüşən D.Juk Bakıya tez-tez gəldiyini deyib, AZƏRTAC ilə səmərəli əməkdaşlıqdan danışıb.

Baş direktor jurnalistlər üçün təşkil olunan press-turun dövlət informasiya agentlikləri arasında əlaqələrin daha da möhkəmlənməsinə kömək edəcəyinə əminliyini bildirib.

Belarus Milli Turizm Agentliyinin direktoru Veronika Dorojko press-turun proqramı haqqında məlumat verib, jurnalistlərin öz ölkələrinə xoş təəssüratlarla qayıdacaqlarına ümidvar olduğunu söyləyib.

Jurnalistlər səfər çərçivəsində Minsk, Nesvij, Brest şəhərlərinin tarixi abidələri, muzeyləri, görməli yerləri ilə tanış olublar.

Press-tur sentyabrın 29-da başa çatacaq.

Kifayət Əliyeva

Pərvanə Rəhimova

Minsk, AZƏRTAC

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.