İQTİSADİYYAT


BP Şimal dənizinin Birləşmiş Krallığa məxsus hissəsində yeni layihənin icrasına başlayır

Bakı, 23 may, Nihad Budaqov, AZƏRTAC 

Böyük Britaniyanın enerji nəhəngi BP şirkəti Şimal dənizinin Birləşmiş Krallığa məxsus hissəsində yeni layihənin icrasına başlayır.

AZƏRTAC şirkətə istinadla xəbər verir ki, BP və tərəfdaşları tərəfindən həyata keçiriləcək “Quad 204” adlı layihənin dəyəri 5,7 milyard dollardır. “Quad 204” çərçivəsində buradan hasilat ilin sonunadək gündəlik 130 min barrelə çatdırılacaq.

Layihə həmin ərazilərdə 2013-cü ildən etibarən dayandırılan hasilatın bərpasını nəzərdə tutur. BP bununla 2020-ci ilədək Şimal dənizindən ümumi hasilatını ikiqat artırmağı, yəni sutkada 200 min barrel neft ekvivalentinə çatdırmağı planlaşdırır.

Qeyd edək ki, 25 ildir Azərbaycanda fəaliyyət göstərən BP şirkəti Azəri-Çıraq-Günəşli layihəsində 35,8 faiz, Bakı-Tbilisi-Ceyhanda (BTC) 30,10 faiz, “Şahdəniz” və Cənubi Qafqaz Boru Kəmərində 28,8 faiz iştirak payına malikdir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.