İDMAN


“Bakı-2017”: Voleybol yarışının üçüncü günündə kişi və qadın idmançılarımız qələbə qazanıblar

Bakı, 13 may, P.Rəhimova, A.İsmayılova, AZƏRTAC

Mayın 13-də IV İslam Həmrəyliyi Oyunlarının voleybol yarışı çərçivəsində üç oyun keçirilib.

AZƏRTAC xəbər verir ki, günün birinci oyununda kişilərin yarışında “A” qrupunda yer alan Türkmənistan millisi ilə görüşə çıxmadığına görə Fələstin yığma komandasına texniki məğlubiyyət (3:0) verilib. Bununla da Türkmənistan IV İslam Həmrəyliyi Oyunlarında ikinci qələbəsini təmin edib.

Qadınların yarışının “A” qrupunda yer alan Azərbaycan millisi isə Tacikistan yığmasını çətinlik çəkmədən məğlubiyyətə uğradıb – 3:0 (25:9, 25:7, 25:10).

Günün sonuncu qarşılaşmasında isə Azərbaycanın və Türkiyənin kişi atletləri qarşılaşıblar. Gərgin idman mübarizəsi şəraitində keçən oyunda Azərbaycan millisi rəqibin müqavimətini çətinlikdə də olsa qıra bilib – 3:2 (28:26, 13:25, 25:17, 19:25 və 18:16).

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.