İDMAN


“Bakı-2017”nin futbol yarışının finalında Azərbaycan və Oman milliləri qarşılaşırlar

Bakı, 21 may, AZƏRTAC

Mayın 21-də IV İslam Həmrəyliyi Oyunlarının futbol yarışının final oyununa start verilib.

AZƏRTAC xəbər verir ki, Tofiq Bəhramov adına Respublika stadionunda keçirilən görüşdə Azərbaycan və Oman yığmaları qarşılaşırlar.

Azərbaycan Respublikasının Birinci vitse-prezidenti, IV İslam Həmrəyliyi Oyunlarının Təşkilat Komitəsinin sədri xanım Mehriban Əliyeva və ailə üzvləri final matçına baxırlar.

Əvvəlcə hər iki ölkənin dövlət himnləri səsləndirilib.

Millimizin start heyətində Şaxrudin Maqomedaliyev, Sadiq Quliyev, Rəşad Sadiqov, Coşğun Diniyev, Elşən Abdullayev, Ağabala Ramazanov, Mahir Mədətov, Ruslan Abışov, Elvin Camalov, Məqsəd İsayev və Azər Salahlı yer alıblar.

Oman millisinin ilk onbirliyində isə Hassan Əl-Saadi, Al-Mas Məcid Salim Əl-Saadi, Cuma Mubarek Ambar Əl-Mamari, Cuma Əl-Habsi, Marvan Vadi Avlad, Muhsen Əl-Qassani, İbrahim Əl-Savvafi, Ahmed Əl-Matruşi, Salaah Əl-Yahyai, Əziz Abdul Əl-Qeilani və Bilal Əl-Baluşi meydana çıxıblar.

Oyunu gürcüstanlı hakimlər briqadası idarə edir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.