İDMAN


“Bakı-2017”nin gümüş mükafatçısı: Səhvim ucbatından birinciliyi əldən verdim

Bakı, 20 may, Həsrət Mahmudova, Samirə Allahverdiyeva, AZƏRTAC

Həlledici görüşdə bir anlığa diqqətsizliyə yol verdim və iranlı rəqibim bundan istifadə edərək qalib gəldi.

Bunu AZƏRTAC-a müsahibəsində IV İslam Həmrəyliyi Oyunlarında 65 kiloqram çəki dərəcəsində mübarizə apararaq gümüş medal əldə edən sərbəst güləşçi Məhəmməd Müslümov söyləyib.

İslamiadanın gümüş mükafatçısı bildirib ki, iranlı pəhləvanla əvvəllər də qarşılaşıb: “Rəqibimi tanısam da, səhvim ucbatından birinciliyi əldən verdim. Qarşıda Bakıda keçiriləcək Qızıl qran-pri və Parisdə təşkil olunacaq dünya çempionatı gəlir. Bu yarışlarda iştirak edəcək heyətdə yer alsam, buradakı məğlubiyyətin əvəzini çıxmağa çalışacam”.

Qeyd edək ki, Azərbaycan pəhləvanı İslamiadada sərbəst güləş yarışlarının finalında İran təmsilçisi Meysam Nasiriyə 3:5 hesabı ilə uduzaraq gümüş medalla kifayətlənib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.