ELM VƏ TƏHSİL


Bakı Ali Neft Məktəbində Silahlı Qüvvələr Günü qeyd olunub

Bakı, 23 iyun, AZƏRTAC

Bakı Ali Neft Məktəbində (BANM) 26 iyun – Silahlı Qüvvələr Gününə həsr olunmuş tədbir keçirilib. Tədbirdə BANM-in rəhbərliyi, professor-müəllim heyəti, əməkdaşları və tələbələri iştirak ediblər.

Tədbiri açan BANM-in tədris, elm və beynəlxalq əlaqələr üzrə prorektoru Ramiz Hümbətov ulu öndər Heydər Əliyevin 1998-ci il mayın 22-də imzaladığı Fərmanla 26 iyun tarixinin Silahlı Qüvvələr Günü elan edildiyini vurğulayaraq Azərbaycanda güclü, qüdrətli və yüksək döyüş hazırlığına malik ordu yaradılmasının Ümummilli Liderin adı ilə bağlı olduğunu bildirib. O qeyd edib ki, Milli Ordumuz Azərbaycan dövlətinin müstəqilliyini, ərazi bütövlüyünü və xalqının azadlığını mətinliklə qoruyur.

BANM-in ingilis dili və humanitar fənlər mərkəzinin dosenti Ələmdar Şahverdiyev “Azərbaycan Milli Ordusunun yarandığı tarixi şərait və ordu quruculuğunda qarşıya çıxan çətinliklər (1918-1920)” mövzusunda məruzə ilə çıxış edib. O, Azərbaycan Xalq Cümhuriyyətinin cəmi 23 ay yaşamasına baxmayaraq, ölkədə ordu quruculuğu sahəsində çox böyük işlər görüldüyünü diqqətə çatdırıb.

Tədbirin sonunda Azərbaycan Xalq Cümhuriyyətinin tarixi, Silahlı Qüvvələrimizin keçdiyi şərəfli yol, ordunun hazırkı döyüş qabiliyyəti haqqında hazırlanmış sənədli film nümayiş etdirilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.