İQTİSADİYYAT


Bakı Fond Birjasının dövriyyəsi 2,4 dəfə artıb

Bakı, 12 avqust, AZƏRTAC

Yanvar-iyul aylarında Bakı Fond Birjasında (BFB) bütün maliyyə alətləri üzrə keçirilən əqdlərin ümumi həcmi ötən ilin eyni dövrü ilə müqayisədə 2,4 dəfə artaraq 5 milyard 338 milyon manata çatıb.

AZƏRTAC BFB-yə istinadla xəbər verir ki, hesabat dövründə dövlət qiymətli kağızlar bazarının həcmi 1 milyard 610 milyon manat təşki edib. Bunun 387,2 milyon manatını Maliyyə Nazirliyinin dövlət istiqrazları, 1 milyard 223 milyon manatını isə Azərbaycan Mərkəzi Bankının notları təşkil edib.

Son bir ildə pay (səhm) bazarının həcmi 667,6 milyon manat, borc (istiqraz) bazarının həcmi isə 470,5 milyon manat olub. Törəmə alətlər bazarının həcmi isə 2 milyard 578 milyon manata çatıb.

Bu ilin ilk 7 ayı ərzində repo əməliyyatlarının həcmi isə 11,6 milyon manat təşkil edib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.