İQTİSADİYYAT


Bakı Limanı ilə Cibuti Limanı və Azad Ticarət Zonası arasında Anlaşma Memorandumu imzalanıb

A+ A

Bakı, 29 oktyabr, Elvin Camalov, AZƏRTAC

“Bakı Beynəlxalq Dəniz Ticarət Limanı” QSC ilə Cibuti Limanı və Azad Ticarət Zonası arasında Anlaşma Memorandumu imzalanıb.

AZƏRTAC xəbər verir ki, bu barədə “Bakı Beynəlxalq Dəniz Ticarət Limanı” QSC-nin mətbuat xidmətindən bildirilib.

Limanlar arasında olan əməkdaşlıq əlaqələrini genişləndirəcək müqaviləni Bakı Limanının baş direktoru Taleh Ziyadov , Cibuti Limanı və Azad Ticarət Zonasının sədri Əbubəkir Ömər Hadi imzalayıblar. İmzalanmış memoranduma əsasən limanlar arasında təcrübə mübadiləsi də həyata keçiriləcək, liman idarəçiliyi, həm də liman heyətinin təlim və tədrisi sahələrində əməkdaşlıq aparılacaq.

Xatırladaq ki, cari ilin sentyabr ayında Bolqarıstanın Limanlar İnfrastrukturu şirkəti ilə də anlaşma memorandumu imzalanıb. 2015-ci ildə Bakı Limanı, Batumi Dəniz Limanı və Aktau Limanı arasında məqsədi Transxəzər Beynəlxalq Nəqliyyat Marşrutu (TBNM) üzrə Əlaqələndirmə Komitəsinin təsis edilməsi və Transxəzər Nəqliyyat Dəhlizi vasitəsilə əlavə yük axınlarını cəlb etməkdən ibarət olan üçtərəfli Anlaşma Memorandumu imzalanıb. Yanvar ayında isə Bakıda keçirilmiş dördtərəfli görüşdə Ukrayna da Transxəzər marşrutuna qoşulub.

Həmçinin, Bakı Limanı son illərdə Antverpen, Panama, Aktau və Poti limanları ilə Anlaşma Memorandumu imzalayıb, Qətər və Sinqapur limanı ilə yaxın əməkdaşlığa cəlb olunub.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.