İQTİSADİYYAT


Bakı-Tbilisi-Qars dəmir yolunda tikinti işləri sürətlənib

A+ A

Tbilisi, 30 sentyabr, AZƏRTAC

“Bakı-Tbilisi-Qars dəmir yolunda tikinti işləri sürətlənib. Düşünürəm ki, dəmir yolu 2017-ci ildə tam istifadəyə veriləcək. Bunun üçün həm Gürcüstan, həm də Türkiyə tərəfində tikinti-quraşdırma və yeni infrastrukturun yaradılması işləri sürətlə davam etdirilir”.

Bu sözləri AZƏRTAC-a müsahibəsində yolun tikintisi ilə məşğul olan “Azərinşaatservis” MMC-nin Gürcüstan üzrə əlaqələndiricisi Cəmil Qasımov deyib.

C.Qasımov bişdirib ki, “Azərinşaatservis” MMC Bakı-Tbilisi-Qars dəmir yolunun Gürcüstan hissəsində tikinti işlərini artıq başa çatdırıb: “Gürcüstan ilə Türkiyə arasındakı tunelə qədər tikinti işləri başa çatıb. Artıq işçi qatarı da Gürcüstan-Türkiyə sərhədindəki Kartsax stansiyasına çatdırılıb”.

Son günlərdə Bakı-Tbilisi-Qars dəmir yolunun inşası ilə bağlı bəzi KİV-lərdə gedən məlumata münasibət bildirən Cəmil Qasımov bu məlumatların heç bir əsası olmadığını deyib. “Şirkət hazırda Gürcüstan ilə Türkiyə arasındakı tuneldə işləyir və betonlama işlərini görür. Bu ilin sonunadək tuneldə betonlama işləri və kommunikasiya xətlərinin çəkilişi tam başa çatacaqdır”, - deyə “Azərinşaatservis” MMC-nin Gürcüstan üzrə əlaqələndiricisi bildirib.

C.Qasımovun sözlərinə görə, yolun Türkiyə hissəsində də işlər sürətlənib. Türkiyə tərəfi verdiyi vədə əməl etmək və yolu 2017-ci ildə tam istifadəyə vermək üçün səylərini artırıb.

“İnanıram ki, Azərbaycanın təşəbbüsü ilə reallaşdırılan bu layihə yaxın vaxtlarda tam istifadəyə veriləcək”, – deyə C.Qasımov vurğulayıb.

Xətayi Əzizov

AZƏRTAC-ın xüsusi müxbiri

Tbilisi

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.