Bakı Xoreoqrafiya Akademiyasının tələbələri Filarmoniyada konsert proqramı ilə çıxış ediblər
Bakı, 29 dekabr, AZƏRTAC
Dekabrın 29-da M.Maqomayev adına Azərbaycan Dövlət Filarmoniyasında Bakı Xoreoqrafiya Akademiyasının təşkilatçılığı ilə Dünya Azərbaycanlılarının Həmrəylik Günü və Yeni ilə həsr olunmuş konsert keçirilib.
AZƏRTAC xəbər verir ki, konsert proqramı Xalq Artisti, Dövlət mükafatı laureatı, “Şöhrət” ordenli, tanınmış dirijor, professor Rauf Abdullayevin rəhbərlik etdiyi Üzeyir Hacıbəyli adına Azərbaycan Dövlət Simfonik Orkestrinin müşayiəti ilə reallaşıb. Konsertdə akademiyanın magistr tələbələri çıxış ediblər.
Gecədə Avropa və rus bəstəkarlarından - Sergey Raxmaninov, Volfqanq Amadey Motsart, Frederik Şopen, Robert Şuman və Pyotr Çaykovskinin fortepiano ifaları təqdim olunub.
Tamaşaçılar tərəfindən maraqla qarşılanan konsert proqramı anşlaqla keçib.
Bölmənin digər xəbərləri
