MƏDƏNİYYƏT


Bakıda “İstedad sorağında-2” adlı rəsm müsabiqəsi keçirilir

A+ A

Bakı, 1 avqust, Ceyhun Alışlı, AZƏRTAC

Bakı Xətai Sənət Mərkəzi təsviri incəsənət sahəsində istedadların üzə çıxarılması məqsədilə “İstedad sorağında-2” adlı gənclər arasında respublika rəsm müsabiqəsinə start verib.

AZƏRTAC sənət mərkəzinin “facebook” səhifəsinə istinadla bildirir ki, rəsm müsabiqəsi Mədəniyyət və Turizm Nazirliyinin, Dövlət Rəsm Qalereyasının və Azərbaycan Rəssamlar İttifaqının birgə təşkilatçılığı ilə keçirilir.

Layihənin məqsədi Azərbaycanın müasir incəsənətinin və rəssamlığının inkişafına, gənc istedadlı rəssamların, dizayner və heykəltəraşların üzə çıxarılması və onların tanıdılmasına təkan verməkdən ibarətdir. Müsabiqədə yaşı 30-dək olan istedadlı gənclər iştirak edə bilər. Mövzu sərbəstdir.

İştirak etmək istəyənlər avqustun10-dək qeydiyyatdan keçməlidirlər.

 

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.