CƏMİYYƏT


Bakıda “Mavi işiqla işiqlandır” şüarı altında aksiya keçirilib

Bakı, 2 aprel, AZƏRTAC 

2 aprel - Dünya Autizm Məlumatlandırma Günü münasibətilə Səhiyyə Nazirliyinin İctimai Səhiyyə və İslahatlar Mərkəzi, “Birgə və Sağlam” İctimai Birliyi və “Lider Qadınlar” təşkilatının birlikdə martın 30-da start verdiyi aksiya çərçivəsində Bakıda növbəti tədbir keçirilib.

AZƏRTAC xəbər verir ki, “Park Bulvar” ticarət mərkəzində fləşmobla başlayan tədbir Azərbaycan Xalça Muzeyinə yürüşlə davam etdirilib.

Daha sonra “Mavi işıqla işıqlandır” (Light it up blue) şüarı altında Qız qalası, Alov qüllələri, “Baku Crystal Hall”, Azərbaycan Respublikası Dövlət Neft Şirkətinin (SOCAR) binası və Bakı Olimpiya Stadionu (BOS) mavi rənglə işıqlandırılıb.

Autizm erkən yaş dövründə başlayan, sosial münasibətlərdə və ünsiyyətdə problemlərin olması ilə özünü büruzə verən ümumi inkişaf problemidir. Autizmin əlamətləri əsasən iki yaşından etibarən özünü göstərməyə başlayır. Bu xəstəlik özünə qapanma, real həyatdan uzaqlaşma kimi təzahür edir və təxminən hər min uşaqdan beşində müşahidə olunur.

BMT 2007-ci il dekabrın 18-də hər il aprelin 2-nin Dünya Autizm Məlumatlandırma Günü kimi qeyd edilməsini qərara alıb. Azərbaycanda da ictimaiyyətin diqqətini autizmin spektr pozuntuları ilə üzləşmiş insanların və ailələrin ehtiyaclarına yönəltmək, əhalini həmin xəstəlik üzrə maarifləndirmək məqsədilə hər il silsilə tədbirlər keçirilir.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.