MƏDƏNİYYƏT


Bakıda rəssam Emil Əzizin sənət əsərləri sərgilənəcək

Bakı, 19 may, AZƏRTAC

Türkiyədə fəaliyyət göstərən rəssam Emil Əzizin Bakıda “Blooming” adlı fərdi sərgisi açılacaq.

AZƏRTAC xəbər verir ki, mayın 20-dən “Art Bahar” festivalı çərçivəsində “Port Baku Mall” qalereyasında təşkil olunacaq sərgidə rəssam yeni əsərlər kolleksiyasını təqdim edəcək.

Çiçəklənmə, təbiətin renessansı, parlaq ləkələrlə ifadə olunmuş anlar - bütün bunlar “Blooming” ekspozisiyasının əsas ideyasıdır.

Sərgi mayın 31-dək davam edəcək.

Qeyd edək ki, UNESKO nəzdində Beynəlxalq Təsviri İncəsənət Assosiasiyasının üzvü olan Emil Əzizin əsərləri Lissabon, Paris, Praqa, İstanbul, Dehli kimi şəhərlərdə təşkil olunan sərgilərdə nümayiş olunub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.