İDMAN


Bakıda səmti müəyyənetmə idman növü üzrə təlim və yarış təşkil olunub

A+ A

Bakı, 8 iyul, AZƏRTAC

Azərbaycan Səmti Müəyyənetmə İdman Federasiyasının dostları siyahısına daha bir qurum - EkoSfera Uşaq və Gənclər üçün Ekoloji Turizm Mərkəzi əlavə olunub. Mərkəz uşaqlar və gənclər üçün müxtəlif ekoloji mövzuları əhatə edən düşərgələrin təşkil olunmasında ixtisaslaşıb.

AZƏRTAC xəbər verir ki, əməkdaşlıq çərçivəsində Qala Arxeoloji-Etnoqrafik Muzey Kompleksində uşaqlar üçün izahedici dərs və praktiki təlim keçirilib. Təlimlər uşaqların erkən yaşdan vətənpərvər tərbiyə olunması, idmana və ətraf mühitə qarşı sevginin aşılanması baxımından çox əhəmiyyətli olub. Çünki səmti müəyyənetmə təbiətlə idmanın sintez təşkil etdiyi idman növüdür və gənclərin sağlam, ətraf mühitə qarşı diqqətli böyümələri üçün bir vasitədir.

Səmti Müəyyənetmə İdman Federasiyasının təlimçiləri düşərgə üzvləri üçün ətraflı nəzəri təlim və daha sonra praktiki yarış keçiriblər. Uşaqlara şərti işarələr, xəritəni oxumaq, kompasla düzgün işləmək bacarıqları öyrədilib. Qala Arxeoloji-Etnoqrafik Muzey Kompleksində, növbəti günlərdə isə Zeytunluq ərazisində yarışlar təşkil olunub. Düşərgənin son günündə Dənizkənarı Milli Parkda final yarışı keçirilib.

Fərqlənən uşaqların gələcəkdə milli komandanın tərkibinə cəlb olunması üçün xüsusi təlimlərin keçirilməsi və respublika səviyyəli yarışlarda iştirakının təmin edilməsi planlaşdırılır.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.