İQTİSADİYYAT


Bakının bəzi küçələrində yağış-kanalizasiya xətləri çəkilir VİDEO

A+ A

Bakı, 31 oktyabr, AZƏRTAC

Bakı şəhərinin Yusif Səfərov və Əliyar Əliyev küçələrinin Heydər Əliyev prospekti ilə kəsişən hissələrində səth sularının kənarlaşdırılması üçün nəzərdə tutulmuş yağış-kanalizasiya sisteminin ötürücülüyünün artırılması məqsədilə “Azəravtoyol” ASC tərəfindən əlavə xətlərin çəkilişi işləri görülür.

ASC-nin mətbuat xidmətindən AZƏRTAC-a bildirilib ki, bu ərazilərdə əlavə yağış-kanalizasiya xətləri çəkilir, yeni yağış barmaqlıqları qoyulur. Ümumilikdə son 1 il ərzində Bakı şəhərinin küçə və prospektlərinin zəruri olan hissələrində 6 kilometrə yaxın yağış-kanalizasiya xətləri çəkilib. Həmin işlərə paralel olaraq sözügedən ərazilərdə və Ziya Bünyadov prospektində mövcud xətlərin təmizlənməsi işləri aparılır.

Bundan başqa, yağan yağıntılar və intensiv hərəkət nəticəsində küçə və prospektlərin hərəkət hissəsində asfalt-beton örtüyünün deformasiyaya uğramış və dağılmış hissələrinin təmir-bərpa işlərinə də başlanılıb.

Eyni zamanda qəzalar zamanı dağılan, həmçinin palçıq və toz basmış körpü və yol elementlərinin (körpülərin məhəccərləri, dayaqları, səs boğucular, tunellərin divarları, yol nişanları, işıqəksetdiricilər, əyrixətli dəmir tirlər, səki daşları və s.) xüsusi təyinatlı işçi qrupu tərəfindən təmiri və təmizlənməsi işləri aparılır.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.