ELM VƏ TƏHSİL


Bakının ümumi təhsil məktəblərinin kitabxana işçiləri müsahibəyə cəlb olunublar

Bakı, 16 dekabr, AZƏRTAC

Paytaxtın ümumi təhsil məktəblərində çalışan kitabxana işçiləri ilə müsahibələr təşkil olunur.

Bakı Şəhəri üzrə Təhsil İdarəsi (BŞTİ) tərəfindən keçirilən müsahibələrin məqsədi kitabxana işçilərinin peşəkar ehtiyaclarının müəyyənləşdirilməsi, müvafiq ehtiyaclar əsasında qruplar üzrə təlimlərin keçirilməsi və kitabxana işçilərinin əlaqələndirilməsi yolu ilə müştərək layihələrin reallaşdırılmasıdır.

BŞTİ-dən AZƏRTAC-a bildiriblər ki, artıq paytaxtın yeddi inzibati rayonu üzrə üç yüz kitabxana işçisinin müsahibəsi yekunlaşıb. İlin sonunadək digər rayonlardakı ümumi təhsil məktəblərində çalışan kitabxana işçiləri ilə müsahibələr də yekunlaşacaq.

Qeyd edək ki, Bakı Şəhəri üzrə Təhsil İdarəsi 2016-2017-ci tədris ili üzrə fəaliyyətini “Təhsili dəyərə çevirək” devizi altında reallaşdırır. Bu məqsədlə il ərzində həyata keçiriləcək layihələr doqquz fəaliyyət istiqamətini əhatə edir. Ümumi təhsil məktəblərində çalışan kitabxana işçiləri ilə müsahibələr “Mütaliə və ünsiyyət” fəaliyyət istiqaməti çərçivəsində həyata keçirilir.

© Materiallardan istifadə edərkən hiperlinklə istinad olunmalıdır

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.